Hildegunn & Leif-Per

26 år etter at Hildegunn og Leif-Per Moltubakk slo ned som ei bombe i den norske underholdningsbransjen, er dei endeleg tilbake!

Den eksentriske husmora med coach-utdanning og deltidsjobb på Cubus, og den drosjekøyrande ekssvogeren gler seg i alle fall stort til å underhalde bergensarane igjen. 

Denne gongen satsar dei tungt på alle moglegheitene som melder seg når ein ikkje må samarbeide med Kringkastingsorkesteret.

Hildegunn har elles skilt seg sidan sist, ho er blitt bestemor til minst sju, og ho gjer det ho kan for å halde storfamilien i hop, trass i at eksmannen, Per-Leif, bur i bobil, men får framleis Hildegunn til å vaske kleda sine for seg.

Dette kan jo ikke bli anna enn dramatisk - og svært morosamt!